Есеп саясатын қалыптастыру үшін "Есеп саясаты" бөліміне өтіп, "Құжат қосу" батырмасын басу қажет.

Құжатты қалыптастыру үшін жылды және нұсқаны - ЖШС немесе ЖК таңдауыңыз қажет.

Барлық міндетті өрістерді ұйымдық-құқықтық формаға байланысты толтыру қажет. Толтырғаннан кейін "Келесі" батырмасын басыңыз.

Екінші қадам - "Бекіту туралы бұйрық" деректерін толтыру. Есеп саясатын бекіту туралы бұйрық нөмірін, бұйрықтың бекітілген орны, бұйрықтың күні, басшының ТАӘ, есеп саясатының күшіне ену күні толтырыңыз.

Енді сіздің компанияңыз туралы негізгі ақпаратты толтыру қажет. Ақша қаражаттарының қозғалысы туралы есепті құрастыру тәсілін, негізгі қызмет түрін көрсету және қаржылық есептіліктегі қателіктердің мәнділік пайызын белгілеу қажет. Сондай-ақ, кассалық есептерді құрастыру тәртібі таңдалады.

Бөлек блок негізгі құралдарға арналған: пайдаланылатын топтарды (жер, ғимараттар, көлік және т.б.) белгілеу, сондай-ақ олардың кейінгі бағалау әдісін және амортизацияны есептеу тәсілін анықтау қажет. Инвестициялық жылжымайтын мүлік үшін бастапқы танудан кейінгі есеп модельдері көрсетіледі.

Тауарлы-материалдық қорлар (ТМҚ) бөлігінде өзіндік құнды анықтау және қорларды есептен шығару әдістері таңдалады.

Қаржылық активтер үшін танудан кейінгі бағалау тәсілін көрсету қажет (амортизацияланған немесе әділ құн). Сонымен қатар, келісімшарттардың орындалу дәрежесін және айнымалы өтем сомасын бағалау әдістері белгіленеді.

Соңында бас бухгалтер көрсетіледі және жауапты тұлғалар қосылады. Барлық міндетті өрістер толтырылуы тиіс, содан кейін деректер тиісті батырмамен сақталады.

Есеп саясаты сіздің деректеріңіз негізінде қалыптастырылды. Сіз құжатты PDF немесе DOCX форматында жүктей аласыз, сондай-ақ құжатты басып шығарып немесе өңдей аласыз.